【大阪旅遊】角落生物 X 阪急電鐵限定角落生物號　9 月起有得搭之餘仲有新角色對大家見面！

San-x 出品嘅角落生物自推出以嚟就喺香港爆紅，甚至風靡成個日本，所以喺日本周圍都可以見到角落生物嘅蹤影。而喺 9 月 1 日開始，「角落生物號」就會加入阪急電鐵為大家服務，到時就可以同成班角色一齊搭地鐵啦。

Photo from san-x.co

今次嘅聯乘合作會喺神戶線、寶塚線同京都線推行，依架列車叫得「角落生物號」，當然唔少得有充滿住角落生物裝飾嘅車身，到時成架車都係打卡熱點！

Photo from san-x.co

Photo from san-x.co

車廂入面亦會貼滿角落生物嘅 poster 同大阪景點介紹板。沿線嘅車站亦都會有角落生物嘅大型紙板畀大家盡情打卡！

當然，最大嘅驚喜莫過於係新角色「栗子站長」啦！「栗子」個名係源於阪急電鐵嘅車身顏色，細細粒咁，真係好 cute cute 呀～

Photo from san-x.co

另外，大家仲可以買佢哋嘅聯乘紀念品，例如鎖匙扣、散紙包等，每個角色都會著住車長嘅制服同拎住張車飛，好值得收藏㗎。

Photo from san-x.co

依家雖然無得去日本朝聖，不過大家唔使灰心住，「角落生物號」會為大家服務到 2021 年 3 月，希望到時大家已經可以去旅行，親身同角落生物打卡啦！

すみっコぐらし号（角落生物號）
推行時間：2020年9月1日（二）－2021年3月31日（三）
行駛路線：神戶線、寶塚線、京都線

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）